როგორი ფინანსური მოლოდინი აქვს ExxonMobil-ს?

ამერიკული ენერგეტიკული გიგანტის, ExxonMobil-ის მოლოდინით, მიმდინარე წლის მესამე კვარტალში ნავთობგადამუშავების სეგმენტიდან მიღებული მოგება წინა სამ თვესთან შედარებით $4.5 მილიარდით გაიზრდება.

ფინანსური მაჩვენებლის მკვეთრი გაუმჯობესება ნავთობგადამუშავების მარჟის ზრდას უკავშირდება. ამასთან, კომპანიის კორექტირებული წმინდა მოგება შესაძლოა $8.5 მილიარდამდე გაიზარდოს, რაც გასული კვარტალის მონაცემებს ორჯერ აღემატება.

მნიშვნელოვანია ითქვას, რომ ნავთობგადამუშავების სეგმენტისგან განსხვავებით, მოპოვების მიმართულებით კომპანია ფინანსური მაჩვენებლების გაუარესებას პროგნოზირებს. ანალიტიკოსების პროგნოზით, ამის გამო ExxonMobil-ის მოგება შესაძლოა $1.3 მილიარდით შემცირდეს.

მკვეთრად გაზრდილი შემოსავლების ფონზე, პრეზიდენტმა დონალდ ტრამპმა მკაცრად გააკრიტიკა ენერგეტიკული კომპანიები და აღნიშნა, რომ ExxonMobil-ი და Chevron-ი ზედმეტად დიდი მოცულობის თანხებს გამოიმუშავებენ. მისი თქმით, ენერგეტიკული კომპანიები სანავთობო კრიზისით ბოროტად სარგებლობენ და საწვავის ფასებს ზედმეტად ზრდიან.