როგორი იქნება თბილისის Trump Tower-ი? - პროექტის ღირებულება $2 მილიარდია

თბილისის Trump Tower-ის პირველი ვიზუალი ცნობილია. Newsweek-ი თბილისის Trump Tower-ის რენდერს აქვეყნებს და წერს, რომ თბილისის ცენტრის განვითარების პროექტის ჯამური ღირებულება $2 მილიარდია.

რენდერზე ჩანს, რომ ცენტრში მდებარე 70-სართულიანი შენობის თავზე ოქროსფერი ასოებით წერია Trump.

გამოცემა აღნიშნავს, რომ პროექტი ტრამპის ორგანიზაციის გლობალური გაფართოების უახლესი დამატებაა.

ცნობისთვის, Trump Tower თბილისში ყველაზე მაღალი ნაგებობა იქნება და მას 70 სართული (259 მეტრი) ექნება. თბილისში მრავალფუნქციური ცათამბჯენის მშენებლობას The Trump Organization-ი გეგმავს. პროექტი ქართულ კომპანიებთან, "არქისა" და "ბიოგრაფი ლივინგთან" პარტნიორობით ხორციელდება.

შეგახსენებთ, რომ არსებული ინფორმაციით, პროექტი პრემიუმ კლასის საცხოვრებელ ფართებს, რითეილ ზონებსა და სასტუმროს ტიპის ინფრასტრუქტურას გააერთიანებს. ამერიკულ გამოცემასთან კომენტარში Trump Organization-ის ვიცე-პრეზიდენტმა, ერიკ ტრამპმა აღნიშნა, რომ თბილისის ცათამბჯენი კომპანიის უმაღლესი ხარისხის სტანდარტების განსახიერება იქნება.