რუსეთის ნავთობის ექსპორტის 94% მეგობარ ქვეყნებზე მოდის - ვიცე-პრემიერი ნოვაკი
რუსეთის ვიცე-პრემიერ ალექსანდრ ნოვაკის განცხადებით, ქვეყანამ ნავთობის ექსპორტის 94% უკვე ოფიციალურად მეგობარ ქვეყნებზე მიმართა. მისი თქმით, მიმდინარე წლის პირველ შვიდ თვეში ჩინეთისთვის ნედლეულის მიწოდება 25%-ით გაიზარდა. ამ შედეგით მოსკოვმა ჩინეთის ბაზარზე ნავთობის უმსხვილესი მიმწოდებლის პოზიცია შეინარჩუნა. რუსული მხარის შეფასებით, საგარეო წნეხის მიუხედავად, საწვავისა და ენერგეტიკის სექტორმა ნაკისრი ვალდებულებები სრულად შეასრულა.
საყურადღებოა, რომ ამ პარტნიორობის გაღრმავებაზე გავლენა ახლო აღმოსავლეთში არსებულმა სამხედრო-პოლიტიკურმა დაძაბულობამ და მიწოდების შეფერხებამაც განაპირობა. ნოვაკის განმარტებით, შეცვლილი გარემოებების ფონზე ჩინური კომპანიებისთვის გრძელვადიანი მიწოდების საიმედო გარანტად სწორედ რუსეთი იქცა. მაღალჩინოსანმა ასევე ხაზი გაუსვა, რომ საექსპორტო მაჩვენებლების ზრდა გლობალური ენერგეტიკული ბაზრის სტაბილიზაციას ემსახურება.
ცნობისთვის, რუსეთის ვიცე-პრემიერმა აღნიშნული მონაცემები ვლადივოსტოკში გამართულ რუსეთ-ჩინეთის ენერგეტიკულ ბიზნესფორუმზე გააჟღერა.
BM.GE
წყარო: bm.ge