რუსეთმა და ჩინეთმა ახალი გაზსადენის, „ბაიკალის ძალის“ პროექტი განიხილეს
რუსეთმა და ჩინეთმა ახალი გაზსადენის, „ბაიკალის ძალის“ მშენებლობის პროექტის დეტალები განიხილეს. ენერგეტიკული თანამშრომლობის სამთავრობათაშორისო კომისიის შეხვედრაზე მხარეებმა ბუნებრივი აირის მიწოდების მარშრუტსა და კომერციულ პირობებზე იმსჯელეს.
რუსეთის ვიცე-პრემიერმა ალექსანდრ ნოვაკმა დაადასტურა, რომ ოფიციალური მოსკოვი და პეკინი ალტერნატიულ ენერგეტიკულ მიმართულებებზე დიალოგს აგრძელებენ. რუსეთის ენერგეტიკის მინისტრის, სერგეი ცივილიოვის განცხადებით კი, შეხვედრის შემდეგ ეს პროექტი სამშენებლო ფაზისთვის მზადების დასკვნით ეტაპზე გადავიდა.
მნიშვნელოვანია ითქვას, რომ რუსული მხარე „შორეული აღმოსავლეთის“ ახალ მარშრუტს ამზადებს. ახალი მაგისტრალური მილსადენი მონღოლეთის ტერიტორიის გავლით ჩინეთამდე იქნება გადაჭიმული, მისი წლიური გამტარუნარიანობა კი 50 მილიარდ კუბურ მეტრს გაუტოლდება. როგორც ირკვევა, მოსკოვი მიზნად აზიურ ბაზარზე ენერგორესურსების მიწოდების გაზრდას ისახავს.
ცნობისთვის, ეს ინფრასტრუქტურული პროექტი მანამდე „ციმბირის ძალა 2-ის“ სახელს ატარებდა. რაც შეეხება მოქმედ გაზსადენს, „ციმბირის ძალით“ ჩინეთის მიმართულებით ბუნებრივი აირის ექსპორტი სტაბილურად გრძელდება.
BM.GE
წყარო: bm.ge