რუსეთში იმპორტის ანგარიშსწორების 70% საბანკო სისტემის მიღმა გადავიდა
BM.GE|bm.ge
ბოლო თვეებში რუსულმა კომპანიებმა საიმპორტო გადახდების 60-70% საბანკო სექტორის გვერდის ავლით, სხვადასხვა შუამავლის მეშვეობით განახორციელეს.
სანქტ-პეტერბურგში გამართულ საერთაშორისო ფორუმზე ამ ტენდენციაზე რუსეთის მრეწველთა და მეწარმეთა კავშირის ვიცე-პრეზიდენტმა, ალექსანდრ მურიჩევმა ისაუბრა.
მან ხაზგასმით აღნიშნა, რომ საგარეო სავაჭრო ანგარიშსწორების სტრუქტურამ ბოლო ოთხი წლის განმავლობაში ფუნდამენტური ცვლილებები განიცადა. მურიჩევის შეფასებით, მიმდინარე ეტაპზე შუამავლების როლი არსებითად გაიზარდა, რადგან იმპორტის სეგმენტის ძირითადი მოცულობა სწორედ გადახდის ალტერნატიულ სქემებს დაემყარა.
ინფორმაციისთვის, რუსული ბიზნესის ტრანსსასაზღვრო გადახდების ყოველთვიური მოცულობა $12-14 მილიარდის ეკვივალენტს აღწევს.
გაზიარება:
BM.GE
წყარო: bm.ge