საფლავის მოპირკეთების დაპირებით ₾10 300-ის მოტყუებით მითვისების ბრალდებით ერთი პირი დააკავეს - შსს
შინაგან საქმეთა სამინისტროს თანამშრომლებმა დიდი ოდენობით თანხის თაღლითურად დაუფლების ბრალდებით ერთი პირი დააკავეს.
უწყების ინფორმაციით, გამოძიებით დადგინდა, რომ ბრალდებული დაზარალებულს გარდაცვლილი მეუღლის საფლავის მოპირკეთებას დაჰპირდა. გამოძიების ვერსიით, მან დიდი ოდენობით თანხის მართლსაწინააღმდეგოდ დაუფლების მიზნით დაზარალებულს 10 300 ლარი გამოართვა, თუმცა შეთანხმებული სამუშაოები არ შეასრულა.
დაკავება თბილისის პოლიციის დეპარტამენტის საგამოძიებო მთავარი სამმართველოს თაღლითობის წინააღმდეგ ბრძოლის სამმართველოსა და დეტექტივების მთავარი სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, მოსამართლის განჩინების საფუძველზე განახორციელეს.
საქმეზე გამოძიება საქართველოს სისხლის სამართლის კოდექსის 180-ე მუხლის მე-3 ნაწილით მიმდინარეობს, რაც დიდი ოდენობით თაღლითობას გულისხმობს და 9 წლამდე თავისუფლების აღკვეთას ითვალისწინებს.
BM.GE
წყარო: bm.ge