საფრანგეთში უფროსკლასელთა საპროტესტო აქციებზე თითქმის 8,000 ადამიანი დააკავეს

საფრანგეთში უფროსკლასელთა საპროტესტო ტალღის დაწყების შემდეგ სამართალდამცველებმა 7,950 პირი დააკავეს.

ქვეყნის იუსტიციის სამინისტროს მიერ გავრცელებული მონაცემების მიხედვით, დაკავებულთა 85%-ს არასრულწლოვნები შეადგენდნენ. პოლიციამ სულ 6,773 მოზარდი და 1,177 სრულწლოვანი აიყვანა, საიდანაც სასამართლომ 26 პირს წინასწარი პატიმრობა შეუფარდა.

საყურადღებოა, რომ მასშტაბურ დემონსტრაციებზე უამრავი ადამიანიც დაშავდა. სენატში გამართულ კითხვა-პასუხის სესიაზე ქვეყნის პრემიერ-მინისტრმა სებასტიენ ლეკორნიუმ განაცხადა, რომ აქციების დაწყებიდან დღემდე 937 პოლიციელი დაშავდა. მთავრობის მეთაურის ცნობით, ფიზიკური დაზიანება 248-მა მოსწავლემაც მიიღო. ასევე დაშავდა ეროვნული განათლების სამინისტროს 149 თანამშრომელი.

შეგახსენებთ, საფრანგეთში მოქალაქეთა პროტესტი სასწავლო კლასებში მოსაწვლეთათვის ადგილების სიმწირემ, მასწავლებელთა დეფიციტმა და არახელსაყრელმა ინფრასტრუქტურამ გამოიწვია.