"სანქციებთან დაკავშირებით, მგონი, უკვე კარგად დაინახა ბევრმა, რომ ეს ყველაფერი საკმაოდ მანიპულაციურია" - ცოტნე ივანიშვილი
"სანქციებთან დაკავშირებით, მგონი, უკვე კარგად დაინახა ბევრმა, რომ ეს ყველაფერი საკმაოდ მანიპულაციურია", - ამის შესახებ "ქართული ოცნების" დამფუძნებლის ბიძინა ივანიშვილის შვილმა, ცოტნე ივანიშვილმა განაცხადა, რომელიც "ოჯახის სიწმინდის დღისადმი" მიძღვნილ მსვლელობაზე მივიდა.
"ჩემი აზრით, ქართული საზოგადოება უკვე მტკიცედ დგას ამ ყველაფრის წინაშე და ყოველთვის დაიცავს ქართული სამშობლოს სუვერენიტეტს“, - განაცხადა ცოტნე ივანიშვილმა.
მას ჟურნალისტმა კითხვა დაუსვა აქციების ფარგლებში დაკავებული პირების შეწყალების საკითხზეც, რაზეც ცოტნე ივანიშვილმა თქვა, რომ პატიმრობის ფაქტებს განიცდის.
„მოდით, ძალიან მოკლედ გეტყვით: თავისთავად, ძალიან მტკივნეული არის ყველასთვის ნებისმიერი პატიმრის მდგომარეობა, განსაკუთრებით, ახალგაზრდის. მეც პირადად, რა თქმა უნდა, განვიცდი ამ ფაქტებს, ამის იქით, ეს არ არის ჩემი განსასჯელი. ამას განაპირობებს შესაბამისი უწყებები და მთავრობა. ამაზე მეტს ამასთან დაკავშირებით ვერაფერს გეტყვით. პირადად შემიძლია გითხრათ ის, რომ ამ ფაქტებთან დაკავშირებით, რა თქმა უნდა, განვიცდი წუხილს და ამის იქით, ეს არ არის ჩემი გადასაწყვეტი, ეს უნდა უზრუნველყოს შესაბამისმა სტრუქტურებმა“, - განაცხადა ცოტნე ივანიშვილმა.
მან ასევე, 2024 წლის ნოემბერ-დეკემბრის აქციებთან დაკავშირებით ჟურნალისტებს განუცხადა.
"ნებისმიერი ტიპის ძალადობა ძალიან მიუღებლად მიმაჩნია", - განაცხადა ბიძინა ივანიშვილის შვილმა.
BM.GE
წყარო: bm.ge