საქართველო მსოფლიოში ღვინის წარმოებით მე-16 ადგილზეა - რა ტენდენციებია ბაზარზე?

ამერიკის ღვინის ეკონომისტების ასოციაციის (AAWE) მონაცემებით, გასულ წელს საქართველომ 256 მლნ ლიტრი ღვინის წარმოებით მე-16 ადგილი შეინარჩუნა, მიუხედავად იმისა, რომ წლიურად წარმოება 20 მლნ ლიტრით გაზარდა.

აღსანიშნავია, რომ თუ 2024 წელს საქართველო ჩინეთს ჩამორჩებოდა, 2025 წელს ჩინეთი გადაასწრო. ეს ქვეყანა მე-18 ადგილზე გადავიდა. თუმცა დაწინაურდა ბრაზილია, რომელმაც წარმოება 212 მლნ ლიტრიდან 283 მლნ -მდე გაზარდა და მე-15 პოზიციაზე გადაინაცვლა.

ამერიკის ღვინის ეკონომისტების ასოციაციის (AAWE) ინფორმაციით, 2025 წელს მსოფლიოს ღვინის წარმოებაში იტალია, საფრანგეთი და ესპანეთზე ჯამურად მსოფლიო წარმოების თითქმის ნახევარი მოდიოდა.

რეიტინგში პირველ ადგილზე იტალია - 4.4 მლრდ ლიტრის წარმოებით და 20%-იანი წილით. მას მოჰყვება საფრანგეთი - 3.6 მლრდ ლიტრით (16%-ით) და ესპანეთი 2.8 მლრდ ლიტრი (13%). ხუთეულშია აშშ და ავსტრალია. აშშ-მ 2025 წელს 2 მლრდ ლიტრი ღვინო აწარმოა, ავსტრალიამ - 1.13 მლრდ ლიტრი.