საქართველო-სომხეთის საბაჟოდან 13 350 ცალი ვარდით დატვირთული ტრანსპორტი ექსპორტიორ ქვეყანაში გააბრუნეს
BM.GE|bm.ge
საქართველო-სომხეთის საზღვარზე, საბაჟო გამშვებ პუნქტ „სადახლო - საავტომობილოზე“ უცხო ქვეყნიდან შემოსული 13 350 ცალი ვარდის ტოტით დატვირთული ავტოსატრანსპორტო საშუალება გააჩერეს.
შემოსავლების სამსახურის ინფორმაციით, საქონლის სასაზღვრო-საკარანტინო კონტროლის პროცედურების განხორციელებისას, საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ საქართველოს ფიტოსანიტარიულ მოთხოვნებთან შეუსაბამობა გამოვლინდა. ამის გამოც საქართველოს მთავრობის 2019 წლის 20 სექტემბრის №463 დადგენილების შესაბამისად, აღნიშნული საქონელი ექსპორტიორ ქვეყანაში გაბრუნებას დაექვემდებარა.
გაზიარება:
BM
BM.GE
წყარო: bm.ge