საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

მსოფლიო ჩემპიონატის პარალელურად, საქართველოს ბანკმა ახალი YouTube პროექტი დაიწყო. სახალისო დავალებები, მოედანზე გამართული შეჯიბრებები და მსოფლიო ჩემპიონატში მონაწილე ქვეყნების მუნდიალის გამოცდილებაზე მორგებული ჩელენჯები - ეს “Creator ჩემპიონატია”.

პროექტში მონაწილეობას 6 გუნდი მიიღებს, რომლებიც საკუთარი საგულშემატკივრო ქვეყნების სახელით იასპარეზებენ. ყოველ ეპიზოდში ვიხილავთ ყველასათვის ცნობილი და საყვარელი კრეატორების გუნდს.

გამარჯვებულების გამოვლენა ლიდერბორდების მიხედვით მოხდება. გადაცემის ფარგლებში, მონაწილეებმა სწორად უნდა გასცენ პასუხი კონკრეტული ქვეყნის მსოფლიო ჩემპიონატის ისტორიიდან დასმულ კითხვებს და შეასრულონ ჩელენჯები. საუკეთესო კი ის გუნდი გახდება, რომელიც შეძლებს საკუთარი საგულშემატკივრო ქვეყნის ღირსების დაცვას.

„Creator ჩემპიონატის“ გამარჯვებულს კი საქართველოს ბანკისგან ფულადი პრიზი - 10 000 ლარი გადაეცემა.

არ გამოგრჩეთ ახალი გადაცემა საქართველოს ბანკის YouTube არხზე, ამისათვის გამოიწერეთ არხი @argacherde

ერთად ვუგულშემატკივროთ საყვარელი კრეატორების გუნდებს.

საქართველოს ბანკი - სპორტის მთავარი მხარდამჭერი და საქართველოს ეროვნული საფეხბურთო ნაკრების მთავარი სპონსორი.