საქართველოს გავლით ყაზახური ნავთობის და ნავთობპროდუქტების ტრანზიტი გაიზარდა

"ყაზტრანსოილმა" საქართველოს გავლით ნავთობის და ნავთობპროდუქტების ტრანზიტი გაზარდა.

ყაზახური სახელმწიფო კომპანიის ინფორმაციით, მზარდია ყაზახური ნავთობის გადაზიდვები ბაქო-თბილისი-ჯეიჰანის მილსადენით. კერძოდ, 2026 წლის იანვარ-აგვისტოში ბაქო-თბილისი-ჯეიჰანის მილსადენის 1.034 მლნ 34 ათასი ტონა ნავთობი გადაზიდა, რაც გასული წლის იმავე პერიოდთან შედარებით 12%-ით მეტია.

გაზრდილია ნავთობის ტრანზიტი „ბათუმის ნავთობტერმინალის“ გავლითაც. ბათუმიდან ნავთობის, ნავთობპროდუქტების და გაზის ჯამურმა ტრანზიტმა 1.251 მლნ ტონა შეადგინა, რაც 3%-ით აღემატება 2025 წლის ანალოგიური პერიოდის მაჩვენებელს.

კომპანიის ინფორმაციით, მიმდინარე წლის 8 თვეში ლოგისტიკური და სატრანსპორტო მაჩვენებლები თითქმის ყველა მიმართულებით გაუმჯობესდა. ნავთობის ტრანსპორტირებისა და ნავთობპროდუქტების გადატვირთვის კონსოლიდირებულმა მოცულობამ 31 მილიონ 890 ათას ტონას მიაღწია, რაც 4%-ით აღემატება 2025 წლის ანალოგიურ მაჩვენებელს.