საქართველოში თამბაქოს იმპორტი $58.5 მილიონამდე შემცირდა - სად ვყიდულობთ სიგარეტსა და სხვა ნაწარმს?

2026 წლის პირველ ნახევარში საქართველოში თამბაქოს ნაწარმის (სიგარები, სიგარილები და სიგარეტები თამბაქოს ან მისი შემცვლელებისაგან) იმპორტი მკვეთრად შემცირდა. საქსტატის ოფიციალური მონაცემებით, 2026 წლის 6 თვეში ქვეყანაში 58.5 მილიონი დოლარის თამბაქო შემოვიდა, რაც 2025 წლის ანალოგიური პერიოდის მაჩვენებელზე (79.4 მლნ დოლარი) 26.3%-ით (20.9 მლნ დოლარით) ნაკლებია.

კიდევ უფრო დიდია კლება მოცულობაში: 2026 წლის იანვარ-ივნისში საქართველომ 2,865.1 ტონა თამბაქოს ნაწარმი შეიძინა, რაც 2025 წლის 6 თვის მაჩვენებელთან (4,321.5 ტონა) შედარებით 33.7%-ით ნაკლებია.

იმპორტის შემცირებასთან ერთად, შეიცვალა ბაზრის ლიდერი ქვეყანაც - თუ 2025 წლის 6 თვეში პირველ ადგილს ლიეტუვა იკავებდა, 2026 წელს მთავარი მომწოდებელი აზერბაიჯანი გახდა.

თამბაქოს ნაწარმის TOP 10 იმპორტიორი ქვეყანა, 2026 (I ნახევარი)

2026 წლის პირველ ნახევარში იმპორტირებული 58.5 მილიონი დოლარის ღირებულების თამბაქოს ნაწარმი (დაახლოებით 2.7 მილიარდი ღერი) ქვეყნების მიხედვით ასე გადანაწილდა:

• აზერბაიჯანი - $23.37 მლნ (1,310.3 ტონა) • ლიეტუვა - $20.00 მლნ (771.6 ტონა) • სერბეთი - $3.78 მლნ (272.3 ტონა) • პოლონეთი - $2.88 მლნ (146.9 ტონა) • თურქეთი - $2.68 მლნ (69.1 ტონა) • სომხეთი - $1.86 მლნ (136.5 ტონა) • უკრაინა - $1.39 მლნ (66.2 ტონა) • ყაზახეთი - $1.05 მლნ (45.7 ტონა) • უზბეკეთი - $0.64 მლნ (20.6 ტონა) • ბულგარეთი - $0.27 მლნ (17.2 ტონა)

2026 წლის მონაცემებში თვალსაჩინოა სომხეთიდან და უკრაინიდან იმპორტის მკვეთრი ვარდნა, რამაც საერთო მაჩვენებლების შემცირებაზე მნიშვნელოვანი გავლენა იქონია.

გასული წლის ანალოგიურ პერიოდში თამბაქოს ბაზარი საგრძნობლად უფრო აქტიური იყო და იმპორტმა 79.4 მილიონ დოლარს (4,321.5 ტონას) მიაღწია.

იმ პერიოდში საქართველოსთვის თამბაქოს უმსხვილესი მომწოდებლები იყვნენ:

• ლიეტუვა - $20.08 მლნ (804.5 ტონა) • სომხეთი - $15.50 მლნ (962.9 ტონა) • აზერბაიჯანი - $15.43 მლნ (989.0 ტონა) • უკრაინა - $8.05 მლნ (485.0 ტონა) • არაბთა გაერთიანებული საამიროები - $6.46 მლნ (332.9 ტონა)

რაც შეეხება გასული წლის მონაცემებს, 2025 წლის განმავლობაში საქართველოში სულ 160.4 მილიონი დოლარის თამბაქოს ნაწარმის იმპორტი განხორციელდა.

2025 წლის ჯამური შედეგებით, წლის ბოლოს უმსხვილესი პარტნიორების სამეული ასე ჩამოყალიბდა:

• აზერბაიჯანი - $45.32 მლნ (2,791.1 ტონა) • ლიეტუვა - $44.77 მლნ (1,800.0 ტონა) • სომხეთი - $22.95 მლნ (1,573.8 ტონა)

მათ გარდა, 2025 წელს მსხვილ მომწოდებლებს შორის იყვნენ უკრაინა ($12.5 მლნ), სერბეთი ($8.95 მლნ), არაბთა გაერთიანებული საამიროები ($7.3მლნ) და თურქეთი ($5.9 მლნ).

თუ თამბაქოს იმპორტს ისტორიულ ჭრილში შევხედავთ, 2020-2024 წლებში ბაზარზე უწყვეტი ზრდა ფიქსირდებოდა, რამაც პიკს 2024 წელს მიაღწია, რის შემდეგაც კლების ტენდენციამ იჩინა თავი:

წელი იმპორტი (მლნ დოლარი) წლიური ცვლილება (%) / სტატუსი 2020 $88.92 2021 $101.80 +14.5% 2022 $130.49 +28.2% 2023 $160.28 +22.8% 2024 $161.38 (რეკორდი) +0.7% 2025 $160.37 -0.6%

2020 წლიდან 2024 წლამდე იმპორტი 81.5%-ით გაიზარდა, თუმცა 2025 წლიდან და განსაკუთრებით 2026 წლის პირველ 6 თვეში დაფიქსირებული ვარდნა აჩვენებს, რომ ბაზარი შემცირების ფაზაშია შესული.