სასამართლომ Apple-ს საპატენტო დავაში $5.7 მილიარდის გადახდა დააკისრა

სან-დიეგოს ფედერალურმა ნაფიც მსაჯულთა სასამართლომ Apple-ს კომპანია Taction Technology-ის სასარგებლოდ $5.7 მილიარდზე მეტის გადახდა დააკისრა. როგორც ირკვევა, ორდღიანი თათბირის შემდეგ შვიდმა მსაჯულმა დაადგინა, რომ ტექნოლოგიურმა გიგანტმა ჰაპტიკურ უკუკავშირთან დაკავშირებული ორი პატენტი უნებართვოდ გამოიყენა. აღსანიშნი ფაქტია, რომ მსაჯულთა კოლეგიის შეფასებით, Apple-ის მხრიდან ინტელექტუალური საკუთრების უნებართვო გამოყენება განზრახ ქმედება არ ყოფილა.

შეგახსენებთ, რომ სასამართლო დავა ეხებოდა ამერიკის შეერთებული შტატების კანონმდებლობით დარეგულირებულ ორ პატენტს, რომლებიც მომხმარებლის მიერ მოწყობილობაზე შეხებაზე ვიბრაციულ რეაგირებას მოიცავს.. მოსარჩელე მხარის შეფასებით, iPhone-ისა და Apple Watch-ის სისტემებში ჩაშენებული Taptic Engine-ის მექანიზმს ამ გამოგონებას სათანადო ნებართვის გარეშე იყენებდა. Taction-ში მიიჩნევს, რომ მოპასუხე მხარე სხვისი ინოვაციით უკანონოდ სარგებლობს და ბაზარზე საკუთარ პროდუქციას სალიცენზიო შეთანხმების გარეშე ყიდდა.

რაც შეეხება Apple-ის პოზიციას, კორპორაცია მსაჯულთა გადაწყვეტილებას კატეგორიულად გაემიჯნა და ვერდიქტის სააპელაციო წესით გასაჩივრება დააანონსა. CNBC-ისთვის გაგზავნილ ოფიციალურ განცხადებაში Apple-მა აღნიშნა, რომ Taptic Engine-ის სისტემა Taction-ის ტექნოლოგიისგან არსებითად განსხვავდება. კორპორაციის მტკიცებით, დაკისრებული მრავალმილიარდიანი კომპენსაცია რეალურ ფაქტებს არ ემყარება.

ცნობისთვის, Taction-მა Apple-ის წინააღმდეგ სასამართლო დავა ჯერ კიდევ 2021 წელს დაიწყო. თავდაპირველად, 2023 წელს პირველი ინსტანციის მოსამართლემ სარჩელი წარმოებიდან მოხსნა, თუმცა ფედერალურმა სააპელაციო სასამართლომ საქმის წარმოება მოგვიანებით მაინც განაახლა.