SpaceX-მა ინვესტორებს ახალი ხელოვნური ინტელექტის მოწყობილობა წარუდგინა

SpaceX-მა ინვესტორებს ახალი ხელოვნური ინტელექტის მქონე მოწყობილობის ადრეული პროტოტიპი წარუდგინა.

არსებული ინფორმაციით, Qualcomm-ის Snapdragon-ის ჩიპზე მომუშავე აპარატი iPhone-ის სმარტფონებზე ბევრად უფრო თხელი კორპუსით გამოირჩევა.

The Wall Street Journal-ის ცნობით, ის xAI-ის ტექნოლოგიებთან ინტეგრირებულ სპეციალურ ოპერაციულ სისტემას იყენებს. უახლესი პროექტის ფარგლებში შექმნილი მოწყობილობა ხელოვნური ინტელექტის კომპანიის შესაძლებლობებს სრულად აითვისებს.

აღსანიშნი ფაქტია, რომ ილონ მასკმა ახალი მოწყობილობის არსებობა საჯაროდ უარყო. კომპანიის დამფუძნებელმა სოციალურ ქსელ X-ში გამოქვეყნებულ პოსტში ამ ცნობებს სრული სიცრუე უწოდა. საყურადღებოა, რომ ილონ მასკმა მიმდინარე წლის თებერვალშიც განაცხადა, რომ კომპანია ტელეფონებზე არ მუშაობდა.

თუმცა კი, გასულ წელს ტრილიონერმა საჯაროდ თქვა, რომ თუ აუცილებლობა მოითხოვდა, ის xAI-ს ბრენდის ქვეშ ტელეფონის შექმნასაც დაუჭერდა მხარს".