Starbucks-მა 250 ფილიალის დახურვა დაიწყო

უმსხვილესი ყავის ქსელი Starbucks-ი ჩრდილოეთ ამერიკაში 250 არამომგებიან ფილიალს ხურავს. როგორც ირკვევა, დასახელებული ობიექტები რეგიონში არსებული 18 000 ყავის სახლის დაახლოებით 1%-ია.

მარეგულირებელ ორგანოში გაგზავნილი დოკუმენტაციის მიხედვით, აღნიშნული პროცესი 2026 ფისკალური წლის ბოლომდე დასრულდება. მენეჯმენტის შეფასებით, ახალი რესტრუქტურიზაცია $300 მილიონის ხარჯს გამოიწვევს. პარალელურად, კომპანიამ 2026 წლისთვის ახალი ობიექტების გახსნის სამიზნე მაჩვენებელი შეამცირა და 600-650 ერთეულის ნაცვლად, მხოლოდ 440 ფილიალის დამატება დაგეგმა.

აღსანიშნავია, რომ ქსელის ოპტიმიზაცია კომპანიის აღმასრულებელი დირექტორის, ბრაიან ნიკოლის სტრატეგიის ნაწილია. ამასთან, ხარჯების კონტროლისა და გაყიდვების სტიმულირების მიზნით, მენეჯმენტმა კორპორაციული პოზიციების ნაწილი გააუქმა და რამდენიმე რეგიონული ოფისიც დახურა. ამასთან, კომპანიამ ლოიალობის პროგრამა განაახლა და მომხმარებელს დამატებითი შეთავაზებები, მათ შორის ცივი ქაფი წარუდგინა.

ცნობისთვის, ერთი წლის წინ Starbucks-მა ჩრდილოეთ ამერიკაში რამდენიმე არარენტაბელური ობიექტი, მათ შორის სიეტლის ისტორიული ფილიალი უკვე დახურა. იმდროინდელი რესტრუქტურიზაციის პროცესი კომპანიას დაახლოებით $1 მილიარდი დაუჯდა.