სულხან პაპაშვილის და თურქი ინვესტორის კომპანიამ სახელმწიფო მიწა ₾1.3 მილიონად იყიდა | როგორია ვალდებულება?

სახელმწიფომ გორის მუნიციპალიტეტის რამდენიმე სოფელში 261 304 კვ.მ.-ის ფართობის 25 მიწის ნაკვეთი, სულხან პაპაშვილისა და თურქეთის მოქალაქის თანამფლობელობაში არსებულ კომპანია „პირველს“ 1 376 992 ლარად პირდაპირი წესით მიჰყიდა.

მთავრობის 2447-ე განკარგულების მიხედვით, კომპანიას ევალება ელექტროენერგეტიკული სისტემის კომერციულ ოპერატორთან 2026 წლის ივლისში დადებული ხელშეკრულებით განსაზღვრული „პირველი ქარის ელექტროსადგურის“ აშენება და ამ ხელშეკრულებით გათვალისწინებულ ვადაში ექსპლუატაციაში მიღება.

განკარგულების დანართიდან ცნობილი ხდება, რომ კომპანია „პირველი“ მიწის ნაკვეთებს გორის რაიონის სოფლებში უფლისციხეში, შავშვებში, სვენეთში, ბერბუკში და მუნიციპალიტეტის ტერიტორიაზე იყიდის.

კომპანია „პირველი“ 2016 წელსაა რეგისტრირებული. მისი 50%-იანი წილის მფლობელი სულხან პაპაშვილი, 50%-იანი წილის კი შპს „ამპერაქს ენერჯი ჯორჯია“, რომელიც თურქეთის მოქალაქის ომერ ქაან ბიროლ ვაროლია.