თბილისის მეტროს პირველ ხაზზე მოძრაობა დროებით შეჩერდა - მგზავრი ლიანდაგებში ჩავარდა
BM.GE|bm.ge
სოციალურ ქსელში გავრცელებული ინფორმაციით, თბილისის მეტროს პირველ ხაზზე მოძრაობა დროებით შეჩერდა მას შემდეგ, რაც 300 არაგველის სადგურთან მგზავრი ლიანდაგებში ჩავარდა.
როგორც BM.GE-სთვის გახდა ცნობილი, ადგილზე დაუყოვნებლივ მობილიზდა სასწრაფო დახმარებისა და სამაშველო ჯგუფები. არსებული ცნობებით, მიმდინარეობს შესაბამისი სამაშველო და უსაფრთხოების ღონისძიებები.
სატრანსპორტო კომპანიის ინფორმაციით, ინციდენტის გამო პირველ ხაზზე მატარებლების მოძრაობა დროებით შეჩერებულია. ამ დროისთვის უცნობია, როდის აღდგება რეგულარული მოძრაობა.
დამატებით ინფორმაციას BM.GE არკვევს და უახლოეს პერიოდში განახლებული დეტალები გამოქვეყნდება.
გაზიარება:
BM
BM.GE
წყარო: bm.ge