თბილისში საცხოვრებელი სახლიდან 27 608 ლარის უაქციზო სიგარეტი ამოიღეს - დაკავებულია ერთი პირი
BM.GE|bm.ge
თბილისში, საცხოვრებელი სახლიდან 27 608 ლარის უაქციზო სიგარეტი ამოიღეს. დაკავებულია ერთი პირი.
საგამოძიებო სამსახურის ინფორმაციით, ჩატარებული საგამოძიებო მოქმედებების შედეგად, ბრალდებულის საცხოვრებელი სახლიდან ამოღებულია სხვადასხვა დასახელების 4 930 კოლოფი სიგარეტი. ამოღებული პროდუქციის საერთო საბაზრო ღირებულება 27 608 ლარს შეადგენს.
განსაკუთრებით დიდი ოდენობით უაქციზო სიგარეტის შენახვის ფაქტზე ერთი პირი დააკავეს.
გამოძიება მიმდინარეობს საქართველოს სისხლის სამართლის კოდექსის მე-200 მუხლით, რაც 6-დან 8 წლამდე ვადით თავისუფლების აღკვეთას ითვალისწინებს.
გაზიარება:
BM.GE
წყარო: bm.ge