თერჯოლის სოფელ სიქთავრაში ყველის არალეგალური საწარმო გამოავლინეს - სეს
სურსათის ეროვნულმა სააგენტომ თერჯოლაში, სოფელ სიქთავრაში ყველის არალეგალური საწარმო გამოავლინა.
სააგენტოს ინფორმაციით, იმერეთის დეპარტამენტის ინსპექტორებმა ფიზიკური პირი მ. ფ.-ს ყველის წარმოება შეამოწმეს. სახელმწიფო კონტროლის შედეგად დადგინდა, რომ ბიზნესოპერატორი ყველს სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე და ტექნოლოგიური პროცესის დარღვევით აწარმოებდა.
"გამოვლენილი შეუსაბამობების გამო, ბიზნესოპერატორი დაჯარიმდა და საწარმოო პროცესი შეუჩერდა", - ნათქვამია სააგენტოს გავრცელებული ინფორმაციით.
სურსათის ეროვნული სააგენტო არალეგალური საწარმოების გამოვლენას მთელი ქვეყნის მასშტაბით განაგრძობს და ბიზნესოპერატორებს კანონმდებლობით გათვალისწინებული სურსათის უვნებლობის მოთხოვნების დაცვისკენ მოუწოდებს.
BM.GE
წყარო: bm.ge