TNET CONNECT-ი ახალი საკომუნიკაციო პლატფორმაა, რომელიც ბიზნესს მომხმარებლებთან SMS-ითა და WhatsApp-ით საქართველოსა და მსოფლიოს 200-მდე ქვეყანაში კომუნიკაციის შესაძლებლობას აძლევს - გიორგი ჩუმაშვილი
კომპანია TNET-მა ბიზნესსა და მომხმარებელს შორის უკეთესი კავშირის დასამყარებლად ახალი პლატფორმა შექმნა. პლატფორმის მიზანსა და შესაძლებლობებზე TNET-ის გენერალური დირექტორი გიორგი ჩუმაშვილი საუბრობს:
„ბიზნესისთვის მომხმარებელთან დროული და საიმედო კომუნიკაცია ყოველდღიური საჭიროებაა - იქნება ეს სპეციალური შეთავაზების გაზიარება, შეკვეთის სტატუსის შესახებ ინფორმაციის მიწოდება, თუ ავტორიზაციის კოდის გაგზავნა. TNET CONNECT-ი სწორედ ამ საჭიროებების ერთ სივრცეში სამართავად შევქმენით.
პლატფორმით კომპანიებს შეუძლიათ გააგზავნონ მარკეტინგული და ტრანზაქციული შეტყობინებები - SMS-ისა და WhatsApp-ის საშუალებით კი საკუთარ მომხმარებლებს დაუკავშირდნენ როგორც საქართველოში, ისე საერთაშორისო ბაზარზე.
ამ მიმართულების განვითარებას TNET-ის ციფრული პროდუქტების შექმნისა და მართვის გამოცდილება უდევს საფუძვლად. ჩვენი ეკოსისტემა ციფრულ პლატფორმებს და მობილურ აპლიკაციებს აერთიანებს და ყოველთვიურად 2 მილიონზე მეტი უნიკალური მომხმარებელი ჰყავს. გვინდა, ეს ახალი შესაძლებლობა სხვა კომპანიებსაც შევთავაზოთ და მათი კავშირი მომხმარებელთან უფრო კომფორტული გავხადოთ.“
ახალი მიმართულებისთვის კომპანია TNET-მა საქართველოს კომუნიკაციების კომისიისგან ელექტრონული კომუნიკაციების სფეროში საქმიანობის ავტორიზაცია მიიღო.
BM.GE
წყარო: bm.ge