Top 10 ქვეყანა, საიდანაც ივლისში ყველაზე მეტი ფული გადმოირიცხა

2026 წლის ივლისში საქართველოში შემოსული ფულადი გზავნილების მოცულობამ 350 მლნ დოლარი შეადგინა, რაც წინა წლის ანალოგიურ პერიოდთან შედარებით 4%-ით, ანუ 13 მლნ დოლარით მეტია.

BMG-ი გთავაზობთ Top 10 ქვეყანას, საიდანაც ივლისში ყველაზე მეტი თანხა გადმოირიცხა:

ქვეყანა მოცულობა (მლნ დოლარი) ცვლილება (%) 1 აშშ 67.77 11.23% 2 იტალია 55.93 0.37% 3 რუსეთი 42.02 -7.15% 4 გერმანია 31.72 8.49% 5 ისრაელი 29.28 21.62% 6 საბერძნეთი 28.00 7.32% 7 თურქეთი 12.22 21.81% 8 ესპანეთი 9.83 -1.88% 9 ყაზახეთი 8.26 -4.54% 10 ყირგიზეთი 8.17 -27.69%

როგორც სტატისტიკიდან ჩანს, აშშ-დან გზავნილები წლიურად 11%-ით გაიზარდა და 67.8 მლნ დოლარი შეადგინა, ისრაელიდან - 21.6%-ით, 29.3 მლნ დოლარამდე, ხოლო თურქეთიდან 22%-ით - 12.2 მლნ დოლარამდე. კვლავ კლებაა რუსეთიდან. კერძოდ, ივლისში რუსეთიდან 42 მლნ დოლარი გადმოირიცხა, რაც წლიურად 7%-ით შემცირებული მაჩვენებელია.

ფულადი გზავნილების ყველაზე დიდი წილი კვლავ ევროკავშირის ქვეყნებზე მოდის. ივლისში ევროკავშირიდან გადმორიცხულმა თანხამ 153 მლნ დოლარი, ანუ მთლიანი გზავნილების 44% შეადგინა. წლიურად გზავნილები კი 2.4%-ით გაიზარდა. ევროკავშირის ქვეყნებიდან მაღალი წილით კვლავ იტალია, გერმანია და საბერძნეთი გამოირჩევა.

2026 წლის ივლისში საქართველოდან საზღვარგარეთ 39 მლნ დოლარი გადაიგზავნა, რაც 2025 წლის ივლისის მაჩვენებელთან შედარებით 4.7%-ით გაზრდილი მაჩვენებელია.