Toyota ქარხნების რობოტიზაციაში ყოველწლიურად $6.4 მილიარდის ინვესტირებას გეგმავს
მსოფლიოს უმსხვილესი ავტომწარმოებელი Toyota Motor Company აცხადებს, რომ 2028 წლიდან ქარხნების მოდერნიზაციის, ავტომატიზაციისა და რობოტოტექნიკის დანერგვის დაჩქარების მიზნით, ის ყოველწლიურად $6.4 მილიარდის ინვესტიციას ჩადებს.
განახლების პროგრამაში ინვესტიციების მზარდი ტენდენცია ხარჯების შემცირებას, დაძველებული ინფრასტრუქტურის განახლებასა და სამუშაო ძალის დეფიციტის აღმოფხვრას ისახავს მიზნად, რაც, ანალიტიკოსების შეფასებით, კომპანიას ავტომობილების წარმოების მიღმა ზრდის ახალ შესაძლებლობებს გაუხსნის.
ინვესტორებთან გამართულ შეხვედრაზე კომპანიის წარმომადგენლებმა განაცხადეს, რომ საწარმოების ავტომატიზაციისთვის დაახლოებით 400,000 რობოტი იქნება საჭირო. ეს რაოდენობა როგორც არსებული დანადგარების ჩანაცვლებას, ისე ახალ ინდუსტრიულ, ლოგისტიკურ, ჰუმანოიდურ და არაჰუმანოიდურ რობოტებს მოიცავს, რომლებიც ქარხნებში ადამიანებთან უშუალო თანამშრომლობისთვის მომზადდებიან.
რაც შეეხება ანალიტიკოსების შეფასებას, Bernstein-ის ექსპერტების განცხადებით, რობოტოტექნიკაზე Toyota-ს მზარდი ფოკუსირება კომპანიას ჩინურ მწარმოებლებთან ღირსეული კონკურენციის გაწევის საშუალებას მისცემს.
BM.GE
წყარო: bm.ge