ცოტნე ივანიშვილის განცხადებით, ის პოლიტიკაში მოსვლას არ აპირებს

ცოტნე ივანიშვილის განცხადებით, ის პოლიტიკაში მოსვლას არ აპირებს. ამის შესახებ ბიძინა ივანიშვილის შვილმა "ოჯახის სიწმინდის დღისადმი" მიძღვნილ მსვლელობაზე განაცხადა.

მისი თქმით, დიდი გამოხმაურება მოჰყვა, ბოლო პერიოდში მის მიერ 2024 წლის ნოემბერ-დეკემბრის აქციებზე მომხდარი ძალადობის ფაქტებზე საუბარს და იყო კონსპირაციის თეორიებიც, თითქოს ეს მისი მხრიდან იყო „სტრატეგიული ნაბიჯი და პოლიტიკაში მოსვლის სვლა“.

„რამდენჯერმე დავაფიქსირე უკვე ჩემი აზრი იმასთან დაკავშირებით, რომ ვგმობ ძალადობას. ნებისმიერი ტიპის ძალადობა ძალიან მიუღებლად მიმაჩნია. სხვათა შორის, ბოლო პერიოდში ხელისუფლება ახორციელებს კიდეც ამ ფაქტების გამოძიებას, გარკვეული ქმედებებიც განახორციელეს. იმის გარდა, რომ ძალადობასთან დაკავშირებით ვწუხვარ, კიდევ ერთხელ გეტყვით, რომ ეს ყველაფერი უნდა განსაჯოს შესაბამისმა უწყებებმა. ამ ყველაფერს უნდა მოეკიდონ ყურადღებით. ჩემი აზრით, ეს ყველაფერი კარგად მიმდინარეობს. იმის გარდა, რომ ძალადობაზე ვწუხვარ, არ ვარ ისეთ პოზიციაში, რომ რაიმე დამატებითი გითხრათ. მე არ ვარ ისეთ პოზიციაში, რომ გამოძიებასთან დაკავშირებით რაიმე ვიცოდე.

სხვათა შორის, ბოლოს, როდესაც ძალადობასთან დაკავშირებით ვისაუბრე, ამას ძალიან დიდი გამოხმაურება მოჰყვა, ათასი ტიპის სხვადასხვა აზრი იყო გამოთქმული, ცოტა არასერიოზული, კონსპირაციული თეორიებიც იყო, თითქოს რადგან ძალადობასთან დაკავშირებით ვისაუბრე, ეს სტრატეგიული ნაბიჯი, პოლიტიკაში მოსვლის სვლა იყო თუ ასე შემდეგ, ეს ყველაფერი მართლა არასერიოზულია. მე ზუსტად 1 წლის წინ 17 მაისს, ერთი ერთში იგივე დავაფიქსირე. ამასთან დაკავშირებით ჩემი პოზიცია ყოველთვის თანმიმდევრული იყო. ნებისმიერი ტიპის ძალადობა, ნებისმიერი მიმართულებით მაქსიმალურად უნდა იყოს არიდებული. ამის იქით აუცილებელია ქვეყანაში წესრიგის დაცვა და დანარჩენ დეტალებს შესაბამისი უწყებები უზრუნველყოფენ “,- განაცხადა ცოტნე ივანიშვილმა.

რაც შეეხება კითხვას, ხომ არ აპირებს პოლიტიკაში მოსვლას, ცოტნე ივანიშვილმა თქმა, რომ „არანაირად, არა“.