"თუ მას შეხვედრა სურს, ნებისმიერ მომენტში შეუძლია მოსკოვში ჩამოსვლა" - დიმიტრი პესკოვი ზელენსკის ღია წერილზე

ზელენსკის პუტინთან შეხვედრა თუ სურს, ნებისმიერ დროს შეუძლია, მოსკოვში ჩამოსვლა, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

შესაბამის თარგმანს "საზოგადოებრივი მაუწყებელი" ავრცელებს.

მისი თქმით, კრემლში ნახეს ვოლოდიმირ ზელენსკის ღია წერილი, თუმცა რუსეთის პრეზიდენტს ჯერჯერობით არ ჰქონია მისი განხილვის შესაძლებლობა.

„დიახ, ჩვენ ვნახეთ. მან წერილი უზბეკეთის პრეზიდენტთან შეხვედრის დროს გამოაქვეყნა და პრეზიდენტს ჯერ არ ჰქონია მისი განხილვის შესაძლებლობა. ზელენსკის შეუძლია, მოსკოვში ჩამოსვლა ნებისმიერ დროს. პრეზიდენტმა პუტინმა თქვა, რომ თუ ზელენსკის საუბარი სურს, მას შეუძლია მოსკოვში ჩამოსვლა და ამის გაკეთება“, – განაცხადა პესკოვმა.

შეგახსენებთ, უკრაინის პრეზიდენტმა, ვოლოდიმირ ზელენსკიმ რუსეთის პრეზიდენტს, ვლადიმერ პუტინს ღია წერილი გაუგზავნა. ზელენსკი აღნიშნავს, რომ ომი უნდა დასრულდეს და პუტინს სთავაზობს, მოლაპარაკებებისთვის შეხვედრის კონკრეტული თარიღი განსაზღვრონ.