თურქეთი და კანადა თავისუფალი ვაჭრობის შესახებ მოლაპარაკებებს იწყებენ
თურქეთმა და კანადამ თავისუფალი ვაჭრობის შესახებ შეთანხმების გაფორმების მიზნით მოსამზადებელი მოლაპარაკებების დაიწყეს. არსებული ინფორმაციით, ორმხრივი ეკონომიკური პარტნიორობის გაძლიერების შესახებ გადაწყვეტილება ქვეყნების ვაჭრობის მინისტრებმა მას შემდეგ მიიღეს, რაც საბოლოო თანხმობა პრეზიდენტ რეჯეფ თაიფ ერდოღანისა და კანადის პრემიერ-მინისტრ მარკ კარნისაგან მიიღეს.
როგორც ირკვევა, მინისტრებმა ეკონომიკური თანამშრომლობის გაფართოებისთვის პრიორიტეტულ სფეროდ ენერგეტიკა განსაზღვრეს. განხილვისას მათ აღნიშნეს, რომ ორმხრივი პარტნიორობა განახლებადი ენერგიის წყაროების ათვისებაზე და სუფთა ენერგიაზე გადასვლის პროცესის მხარდაჭერაზე უნდა იყოს ორიენტირებული.
აღსანიშნავია, რომ მინისტრებმა საავიაციო სექტორში მჭიდრო კავშირების დამყარების მზადყოფნაც გამოხატეს. ორი ქვეყნის ეკონომიკური უწყებების ხელმძღვანელებს არ დაუკონკრეტებიათ, თუ როდის შედგება საბოლოო შეთანხმება, თუმცა დააანონსეს, რომ პარტნიორობის გაღრმავების მიზნით, სამომავლოდ გაცვლით ოფიციალურ ვიზიტებს გამართავენ.
BM.GE
წყარო: bm.ge