თურქეთმა სომხეთთან ვაჭრობის ბარიერები მოხსნა
სომხეთის საგარეო საქმეთა სამინისტროს ინფორმაციით, თურქეთმა სომხეთთან ორმხრივი ვაჭრობისას ბარიერები მოხსნა. უწყების პრესსპიკერმა ანი ბადალიანმა თურქეთის გადაწყვეტილება დადებითად შეაფასა და თქვა, რომ ეს ორმხრივი ურთიერთობების ნორმალიზების შედეგია.
„მივესალმებით თურქეთის გადაწყვეტილებას სომხეთის რესპუბლიკასთან ორმხრივ ვაჭრობაზე არსებული ბარიერების მოხსნის შესახებ, რაც სომხეთსა და თურქეთს შორის ურთიერთობების ნორმალიზების პროცესის კიდევ ერთი შედეგია.
აღნიშნულ გადაწყვეტილებას დიდი მნიშვნელობა აქვს ორ ქვეყანას შორის სავაჭრო და ბიზნესკავშირების გაფართოების, რეგიონში ეკონომიკური დაკავშირებადობის ხელშეწყობისა და მშვიდობისა და კეთილდღეობის უზრუნველყოფის თვალსაზრისით.
ხაზს ვუსვამთ, რომ ეს არის მნიშვნელოვანი ნაბიჯი ორ ქვეყანას შორის სრულფასოვანი და ნორმალური ურთიერთობების განვითარებისკენ“, - განაცხადეს საგარეო საქმეთა სამინისტროში.
BM.GE
წყარო: bm.ge