უკრაინამ ვოლგოგრადში Lukoil-ის ქარხანას დრონებით შეუტია
უკრაინამ რუსეთის ქალაქ ვოლგოგრადში მდებარე ნავთობგადამმუშავებელ ქარხანას დრონებით შეუტია, ამის შესახებ უკრაინული მედია იტყობინება. რუსული ტელეგრამარხის, Astra-ს ცნობით, უკრაინული დრონების თავდასხმის შედეგად ცეცხლი გაუჩნდა ქარხანას, რომელიც რუსეთის მსხვილ ენერგეტიკულ კომპანიას, Lukoil-ს ეკუთვნის.
აღნიშნული ობიექტი რუსეთის ერთ-ერთი ყველაზე დიდი და ვოლგოგრადის ოლქში უდიდესი ნავთობგადამმუშავებელი ქარხანაა.
ქარხანა წარსულშიც არაერთხელ გამხდარა თავდასხმის სამიზნე, მათ შორის თებერვალში, როდესაც თავდასხმა უკრაინის გენერალურმა შტაბმაც დაადასტურა.
ვოლგოგრადის ოლქის გუბერნატორმა, ანდრეი ბოჩაროვმა განაცხადა, რომ უკრაინული დრონების თავდასხმის შედეგად საცხოვრებელი კორპუსიც დაზიანდა.
ამავე დროს, რუსული ტელეგრამარხი Astra იუწყება, რომ აღნიშნული მხოლოდ ორი კილომეტრითაა დაშორებული სამხედრო ქარხანა "ტიტან ბარიკადისგან", კერძოდ, რუსეთის ერთ-ერთი მნიშვნელოვანი თავდაცვითი საწარმოა და რომელიც სტრატეგიული სარაკეტო სისტემებისთვის გამშვებ მოწყობილობებს აწარმოებს.
ცნობისთვის, ქალაქი ვოლგოგრადი უკრაინის აღმოსავლეთ საზღვრიდან დაახლოებით 354 კილომეტრში მდებარეობს.
BM.GE
წყარო: bm.ge