უმუშევრობა, სიღარიბე... - რას ასახელებს საქართველოს მოსახლეობა ყველაზე მწვავე პრობლემებად?

EU NEIGHBOURS EAST პროგრამის საზოგადოებრივი აზრის ყოველწლიური კვლევის 2026 წლის შედეგებით, მოსახლეობა ძირითად გამოწვევებს შორის უმუშევრობას, სიღარიბეს და დაბალ ხელფასებს/პენსიებს ასახელებს.

კვლევა 2026 წლის იანვარ-თებერვალში მთელი ქვეყნის მასშტაბით შერჩეულ 1 000-ზე მეტ რესპონდენტთან პირისპირ ინტერვიუების საშუალებით ჩატარდა.

კითხვაზე, რა მიგაჩნიათ საქართველოს წინაშე მდგარ ყველაზე მწვავე პრობლემებად, პასუხები ასეთია:

• უმუშევრობა — 69% • სიღარიბე — 58% • დაბალი ხელფასები / პენსიები — 57% • ჯანდაცვა — 42% • განათლება — 42% • კორუფცია — 36% • ემიგრაცია — 34% • ტერიტორიული კონფლიქტები, უსაფრთხოების საკითხები / ომი — 32% • ცხოვრების ღირებულება / ინფლაცია — 23% • ადამიანის უფლებები — 22% • კანონის უზენაესობა — 21% • გადასახადები / გადასახადებისგან თავის არიდება — 16% • ლტოლვილები და იძულებით გადაადგილებული პირები — 13% • მედიის თავისუფლება — 11% • დემოკრატია — 11% • უცხოური ინფორმაციული მანიპულაცია და ჩარევა (FIMI) — 8% • ენერგეტიკა — 6% • კლიმატის ცვლილება და გარემოსდაცვითი საკითხები — 5%