უნგრულ სახელმწიფო ობლიგაციებზე მოთხოვნა გაიზარდა - რა გახდა მიზეზი?

უნგრეთის ეროვნულმა ბანკის მიერ ინფლაციის მიზნობრივი მაჩვენებლის 3%-დან 2.5%-მდე შემცირებამ ადგილობრივ სახელმწიფო ობლიგაციებზე უცხოელი ინვესტორების მოთხოვნა მკვეთრად გაზარდა.

უნგრულმა ფასიანმა ქაღალდებმა ამ ინფორმაციის გავრცელების შემდეგ შემოსავლიანობის დინამიკით რეგიონის მეტოქე პოლონურ და რუმინულ აქტივებს საგრძნობლად გაუსწრო.

მაჩვენებლის შემცირების შემდეგ ბუდაპეშტის 10-წლიანი ეტალონური ობლიგაციების შემოსავლიანობამ 5.64% შეადგინა. შედარებისთვის, პოლონეთის მსგავსი ვადიანობის ქაღალდების განაკვეთი 6.16%-ს, რუმინეთის კი 7.29%-ს შეადგენს.

აღსანიშნავია, რომ ეროვნული ბანკის გადაწყვეტილების შემდეგ ფორინტში დენომინირებულ სახელმწიფო ვალში საერთაშორისო მოთამაშეების წილი 2019 წლის მაქსიმუმზე მეტად გაიზარდა. სავალო სააგენტო AKK-ის მონაცემებით, აგვისტოს ბოლოსთვის უცხოელი ინვესტორების წილმა ადგილობრივ ობლიგაციებში 34%-ს მიაღწია.