"ველით საერთო კულტურული და ცივილიზაციური მიზნებისთვის თანამშრომლობას" - აშშ-ის საელჩო შიო III-ს პატრიარქად არჩევას ულოცავს
ამერიკის შეერთებული შტატების საელჩო საქართველოში სპეციალური განცხადებით ეხმაურება სრულიად საქართველოს კათოლიკოს-პატრიარქის არჩევას. ულოცავს ახალ პატრიარქს, ეკლესიას და მრევლს.
საელჩოს განცხადებაში ხაზგასმულია აღნიშნული პროცესის ისტორიული მნიშვნელობა და აღნიშნულია, რომ ეს დამოუკიდებლობის აღდგენის შემდეგ პატრიარქის არჩევის პირველი შემთხვევაა.
"ამერიკის შეერთებული შტატები გულითადად ულოცავს საქართველოს მართლმადიდებელ ეკლესიასა და მის მრევლს მისი უწმინდესობისა და უნეტარესობის შიო III-ის არჩევას სრულიად საქართველოს კათოლიკოს-პატრიარქად.
საქართველოს დამოუკიდებლობის აღდგენის შემდეგ, პატრიარქის პირველად არჩევა ისტორიული მოვლენაა. მას დიდ წარმატებას ვუსურვებთ და ველით საქართველოს მართლმადიდებელ ეკლესიასთან–მსოფლიოს ერთ-ერთ უძველეს ქრისტიანულ კონფესიასთან–ჩვენი საერთო კულტურული და ცივილიზაციური მიზნებისთვის თანამშრომლობას", - წერს საელჩო სოციალურ ქსელში.
პატრიარქის აღსაყდრების შემდეგ, მილოცვა გაავრცელეს დასავლეთის სხვა სახელმწიფოებმაც.
BM.GE
წყარო: bm.ge