„ვისოლმა“ „ალდაგის“ მომხმარებლებისთვის აპლიკაციაში სპეციალური ფასდაკლების ბარათი შექმნა

„ვისოლმა“ აპლიკაციაში „ალდაგის“ მომხმარებლებისთვის სპეციალური ფასდაკლების ბარათი შექმნა. Wissol Links-ის ფარგლებში, საბანკო სექტორთან თანამშრომლობის შემდეგ, „ვისოლი“ პარტნიორობას სადაზღვევო კომპანია „ალდაგთან“ აგრძელებს. შეთავაზების პერიოდში „ალდაგის“ მომხმარებლები „ვისოლის“ სადგურებზე თითოეულ ლიტრ საწვავზე 20-თეთრიანი ფასდაკლებით ისარგებლებენ.

„ვისოლისა“ და „ალდაგის“ თანამშრომლობის ფარგლებში, მომხმარებლებს საწვავზე სპეციალურ ფასდაკლებასთან ერთად „ვისოლის“ აპლიკაციაში სხვა საინტერესო შეთავაზებებიც ელით.

“„ვისოლის“ აპლიკაციის განვითარება ავტომობილის მფლობელებისთვის ყოველდღიურად საჭირო სერვისებისა და შეთავაზებების ერთ სივრცეში გაერთიანებას ისახავს მიზნად. ციფრული ტრანსფორმაციის ამ ეტაპზე, Wissol Links-ის პროექტის ფარგლებში, ვგეგმავთ სხვადასხვა სექტორში ლიდერი კომპანიების ლოიალობის სისტემებთან ინტეგრაციას და მათი მომსახურებების ჩვენი მომხმარებლებისთვის კიდევ უფრო მარტივად და ხელმისაწვდომად შეთავაზებას.

საბანკო სექტორთან თანამშრომლობის შემდეგ, „ალდაგთან“ პარტნიორობა ამ მიმართულების განვითარების კიდევ ერთი მნიშვნელოვანი ეტაპია. ვფიქრობთ, მსგავსი პარტნიორობები მომხმარებლისთვის დამატებით ღირებულებას ქმნის და მომავალშიც არაერთ საინტერესო შეთავაზებას გავაერთიანებთ „ვისოლის“ აპლიკაციაში“, - აცხადებს ჯაბა ბოკუჩავა, „ვისოლის“ მარკეტინგისა და ციფრული განვითარების ხელმძღვანელი.

აქციის დასრულების შემდეგ მომხმარებლებს, საწვავის ყოველთვიური მოხმარების შესაბამისად, „Gold“ სტატუსის შენარჩუნების შესაძლებლობა ექნებათ, რაც ლიტრ საწვავზე 20-თეთრიან ფასდაკლებას ითვალისწინებს. გარდა ამისა, თითოეული ტრანზაქციისას მომხმარებლები „ვისოლის“ აპლიკაციაში ბონუს ქულებს დააგროვებენ, რომელთა გადაცვლაც „ვისოლსა“ და „სმარტიში“ პროდუქტებსა და მომსახურებებში იქნება შესაძლებელი.