ყულევის ნავთობგადამმუშავებელმა ქარხანამ ყაზახური ნედლი ნავთობის გადამუშავება დაიწყო - BSP

ყულევის ნავთობგადამმუშავებელმა ქარხნის მფლობელი კომპანია “ბლექ სი პეტროლიუმი” აცხადებს, რომ ყაზახური წარმოშობის ნედლი ნავთობის გადამუშავება დაიწყო.

კომპანიის ინფორმაციით, 2026 წლის 1 ივლისს BSP-მ განაცხადა, რომ 2026 წლის აგვისტო-სექტემბერში სრულად არარუსული წარმოშობის ნედლი ნავთობის გადამუშავებას დაიწყებდა.

მათივე ცნობით, ყაზახური წარმოშობის ნედლი ნავთობის გადამუშავება ივლისის დასაწყისში დაიწყო, ხოლო დარჩენილი მოცულობის გადამუშავება აგვისტოში გაგრძელდება.

აღსანიშნია, რომ 2026 წლის 3 ივლისს საერთაშორისო სავაჭრო კომპანიასთან ხელმოწერილი ნედლი ნავთობის მიწოდების ხელშეკრულების თანახმად, ლიბიური წარმოშობის ნედლი ნავთობის ტვირთის ყულევში 2026 წლის 20-დან 30 აგვისტომდე შუალედში ჩავა. ხელშეკრულება 2027 წლის ბოლომდე მოქმედებს.

2026 წლის 24 ივლისს ევროკომისიამ განაცხადა, რომ BSP აქტიურ კომუნიკაციაში იმყოფებოდა კომისიასთან და განმარტა, რომ ექვსთვიანი გარდამავალი პერიოდი მიზნად ქარხნისთვის რუსული ნედლი ნავთობისგან დივერსიფიკაციის შესაძლებლობის მიცემას ისახავდა. BSP-ის მიერ უკვე გადადგმული ნაბიჯები შეესაბამება აღნიშნულ მიზანსა და ვადებს. შპს „ბლექ სი პეტროლიუმი“ (Black Sea Petroleum LLC / BSP) აცხადებენ, რომ ნედლი ნავთობის მიწოდების დივერსიფიკაციის გეგმის განხორციელება მიმდინარეობს.