ევროკომისიამ 13 წლამდე ბავშვებისთვის სოცქსელების აკრძალვის ინიციატივა ოფიციალურად წარადგინა
ევროკომისიის პრეზიდენტმა, ურსულა ფონ დერ ლაიენმა 13 წლამდე ასაკის ბავშვებისთვის სოციალური პლატფორმების აკრძალვისა და 13-დან 15 წლამდე მოზარდებისთვის წვდომის შეზღუდვის ინიციატივა ოფიციალურად წარადგინა.
არსებული ინფორმაციით, ახალი რეგულაციები 18 წლამდე ასაკის პირებისთვის განკუთვნილ ვიდეოგაზიარების სერვისებს, ონლაინ თამაშებსა და ხელოვნური ინტელექტის ჩეთბოტებსაც შეეხება. თავად ევროპელმა ლიდერმა ეს გადაწყვეტილება არასრულწლოვანთა უსაფრთხოებასა და ჯანმრთელობაზე ციფრული სერვისების მავნე ზემოქმედების შესახებ გაფრთხილებით ახსნა.
აღსანიშნი ფაქტია, რომ ახალი საკანონმდებლო ინიციატივა ტექნოლოგიურ გიგანტებს მთელ რიგ მკაცრ ვალდებულებებს დააკისრებს. ეს გადაწყვეტილება Alphabet-ის მფლობელობაში არსებულ Google-სა და YouTube-ზე, ასევე Meta Platforms-ის კუთვნილ Facebook-სა და Instagram-ზე მნიშვნელოვნად იმოქმედებს. როგორც ევროკომისიაში აღნიშნავენ, ახალი შეზღუდვების საბოლოო მიზანი მოზარდების ციფრული საფრთხეებისგან დაცვას იქნება.
BM.GE
წყარო: bm.ge