რიკოთზე ავარიას 2 ადამიანი ემსხვერპლა, დაშავდა ბავშვი

რიკოთზე ავტოსაგზაო შემთხვევის შედეგად 2 ადამიანი დაიღუპა, 2 კი დაშავდა. გავრცელებული ინფორმაციით, ერთ-ერთი დაშავებული ბავშვია.

არსებული ცნობებით, ავტომობილი ბეტონის ჯებირს შეეჯახა.

ადგილზე მობილიზებული იყო სასწრაფო დახმარების ბრიგადა და პოლიცია.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.