შსს უნგრელი ჟურნალისტის დაკავებაზე: ქვეყანაში კანონიერი საფუძვლის გარეშე იმყოფებოდა
ფორმულა|formulanews.ge
შსს-ს მიგრაციის დეპარტამენტი ადასტურებს, რომ დაკავებულია უნგრელი ჟურნალისტი ლასლო რობერტ მეზესი.
„აღნიშნული პიროვნება საქართველოში იმყოფება კანონიერი საფუძვლის გარეშე და დარღვეული აქვს ქვეყანაში ყოფნის ვადები. აღნიშნულიდან გამომდინარე მიმდინარეობს პირის დაკავების პროცედურა „უცხოელთა და მოქალაქეობის არმქონე პირთა სამართლებრივი მდგომარეობის შესახებ” კანონის 64-ე მუხლის მე-2 პუნქტის “ბ” ქვეპუნქტის საფუძველზე“, - უთხრეს ფორმულას შსს-ში.
ფაქტზე ინფორმაცია თავდაპირველად ადვოკატმა მარიკა არევაძემ გაავრცელა. მან დაწერა, რომ ჟურნალისტი ქვეყანაში ლეგალურად იმყოფება.
ლასლო რობერტ მეზესი დამოუკიდებელი ჟურნალისტია, რომელიც ბოლო წლებში აქტიურად აშუქებს საქართველოში მიმდინარე მოვლენებს.
გაზიარება:
ფორმულა
წყარო: formulanews.ge