გერმანია: ლაიფციგის აეროპორტზე დრონით თავდასხმის უკან რუსეთი დგას
გერმანიის ხელისუფლების განცხადებით, ლაიფციგის/ჰალეს აეროპორტში 4 აგვისტოს მომხდარი დრონით თავდასხმის უკან რუსეთი დგას.
აეროპორტში ასაფეთქებელი მოწყობილობით აღჭურვილი დრონი აღმოაჩინეს, რომელიც უკრაინულ სატვირთო თვითმფრინავებთან ახლოს იმყოფებოდა. მოწყობილობა არ აფეთქდა, სავარაუდოდ, დეტონატორის გაუმართაობის გამო. გამომძიებლები ასევე ვარაუდობენ, რომ მეორე დრონი ახლოს მყოფ სატვირთო თვითმფრინავს შეეჯახა.
გერმანიის შინაგან საქმეთა მინისტრმა ალექსანდერ დობრინდტმა განაცხადა, რომ თავდასხმა „ევროპაში რუსეთის ჰიბრიდული ოპერაციების კარგად დამკვიდრებულ მოდელს“ შეესაბამება.
ლაიფციგის აეროპორტს გერმანიის სამხედროები და ნატოს მოკავშირეები სამხედრო ტვირთების გადასაზიდად იყენებენ. ის ასევე უკრაინული Antonov Airlines-ის ბაზაა.
გერმანიის საგარეო საქმეთა მინისტრმა იოჰან ვადეფულმა განაცხადა, რომ ბონში რუსეთის საკონსულოს დახურვას მოითხოვს. ასევე შეწყდება ბერლინში „რუსეთის სახლის“ კონტრაქტი, რომელსაც რუსეთის ჯაშუშობისა და პროპაგანდის გავრცელებას უკავშირებენ.
რუსეთი თავდასხმაში მონაწილეობას ამ დრომდე უარყოფდა.
ფორმულა
წყარო: formulanews.ge