ფეზეშქიანის თქმით ვაშინგტონის მიერ პირობების შესრულებისას ირანი შეთანხმებას დაუბრუნდება

თუ ვაშინგტონი ურთიერთგაგების მემორანდუმის პირობების შესრულებას დაუბრუნდება, ირანიც დაუყოვნებლივ გადადგამს საპასუხო ნაბიჯს. ამის შესახებ ირანის პრეზიდენტმა, მასუდ ფეზეშქიანმა ყირგიზეთში, შანხაის თანამშრომლობის ორგანიზაციის (SCO) სამიტზე გამოსვლისას განაცხადა.

„ნათელია, რომ აშშ-ის მხრიდან ნაკისრი ვალდებულებების დარღვევას ირანის მხრიდან პროპორციული პასუხი მოჰყვა. თუმცა, მკაფიოდ ვაცხადებ, რომ თუ აშშ ურთიერთგაგების მემორანდუმით ნაკისრი ვალდებულებების შესრულებას დაუბრუნდება, მაშინ ირანის ისლამური რესპუბლიკაც დაუყოვნებლივ იმავე ნაბიჯს გადადგამს“, — აღნიშნა ფეზეშქიანმა. მან ასევე დასძინა, რომ თეირანს საერთაშორისო ხელშეკრულებების შესრულების უნაკლო გამოცდილება აქვს.

აშშ-სა და ირანს შორის 17 ივნისს გაფორმებული ურთიერთგაგების მემორანდუმი ომის დასასრულებლად 60-დღიან ვადას ითვალისწინებდა, თუმცა დოკუმენტს ვადა გასულ თვეში საბოლოო შეთანხმების მიღწევის გარეშე ამოეწურა.