რუსულმა სამხედრო ხომალდმა დანიის ვერტმფრენს სიგნალური რაკეტები ესროლა

დანიის სამხრეთ სანაპიროსთან, კუნძულ გედსერის მახლობლად, რუსულმა ფრეგატმა დანიის სამხედრო-საჰაერო ძალების ვერტმფრენის მიმართულებით ორი სიგნალური რაკეტა (Flare) ისროლა, რომელთაგან ერთ-ერთმა საჰაერო ხომალდთან უშუალო სიახლოვეს ჩაიარა. დანიის შეიარაღებული ძალების ცნობით, ინციდენტი მაშინ მოხდა, როდესაც ვერტმფრენი რუსული სამხედრო ხომალდის გეგმურ ფოტოგადაღებას ახორციელებდა.

მომხდარს დანიის პრემიერ-მინისტრი მეტე ფრედერიქსენი გამოეხმაურა და აღნიშნა, რომ ეს არის ევროპის წინააღმდეგ რუსეთის მიერ ინტენსივობამოპოვებული ჰიბრიდული ომის ნაწილი, რომლის მიზანიც ნატოს გამოცდა და დაშინებაა. საგარეო საქმეთა მინისტრ ლარს ლოკე რასმუსენის განცხადებით, მომხდარი სრულიად მიუღებელია, რის გამოც დანიაში რუსეთის ელჩი საგარეო უწყებაში განმარტებებისთვის უკვე დაიბარეს.

აღნიშნულ ინფორმაციას გამოცემა Politico EU ავრცელებს.