უკრაინის უმაღლესმა რადამ გენერალური პროკურორი რუსლან კრავჩენკო თანამდებობიდან გადააყენა
უკრაინის უმაღლესმა რადამ 317 ხმით მხარი დაუჭირა გენერალური პროკურორის თანამდებობიდან რუსლან კრავჩენკოს გათავისუფლებას. საკანონმდებლო ორგანოში კენჭისყრა პრეზიდენტ ვოლოდიმირ ზელენსკის მიმართვის საფუძველზე ჩატარდა, რომელმაც საომარი მდგომარეობის შესახებ კანონმდებლობით ისარგებლა და კრავჩენკო პოსტს ოფიციალურად ჩამოაშორა.
საკადრო გადაწყვეტილებას წინ უძღოდა გენერალურ პროკურატურასა და ანტიკორუფციულ ორგანოებს შორის გამწვავებული დაპირისპირება. ოპერაცია „კართაგენის“ ფარგლებში თაღლითურ ქოლ-ცენტრებთან დაკავშირებული კორუფციის ბრალდებით გენერალური პროკურატურის მაღალჩინოსნის, სერჰი კროპივას დაკავების შემდეგ, კრავჩენკომ თანამდებობიდან წასვლის შესახებ განაცხადა.
მოგვიანებით მან ეროვნული ანტიკორუფციული ბიუროს დირექტორი სემენ კრივონოსი დოკუმენტების გაყალბებაში დაადანაშაულა, რის შემდეგაც, ოფიციალური მონაცემებით, მივლინების მოტივით უკრაინა დატოვა. კრავჩენკო გენერალური პროკურორის პოსტს 2025 წლის ივნისიდან იკავებდა.
ფორმულა
წყარო: formulanews.ge