სანქცირებული ირანული ავიაკომპანიები საქართველოში ფრენებს 21 სექტემბრიდან შეწყვეტენ
ფორმულა|formulanews.ge
ამერიკის შეერთებული შტატების მიერ დაწესებული სანქციების ფონზე, ირანული ავიაკომპანიების ფრენები საქართველოში 21 სექტემბრიდან შეწყდება. ტურისტულ კომპანია Georgia Holiday-ში ადასტურებენ, რომ სანქცირებული ავიაგადამზიდავები საქართველოს მიმართულებით ბოლო რეისებს 20 სექტემბერს შეასრულებენ.
სამოქალაქო ავიაციის სააგენტომ 10 სექტემბერს განაცხადა, რომ ქართული მხარე საერთაშორისო სანქციების რეჟიმის სრული დაცვით იმოქმედებს და აშშ-ისა და ევროკავშირის სასანქციო მექანიზმებს გაითვალისწინებს.
შეგახსენებთ, რომ აშშ-მა 8 სექტემბერს ირანის საავიაციო სექტორთან დაკავშირებულ 36 სუბიექტს დაუწესა შეზღუდვები, მათ შორის იმ კომპანიებს, რომლებიც რეისებს საქართველოს მიმართულებითაც ახორციელებდნენ.
გაზიარება:
ფორმულა
წყარო: formulanews.ge