მცხეთის მუნიციპალიტეტის მერმა გოგი აბუაშვილმა თანამდებობა დატოვა
ფორმულა|formulanews.ge
მცხეთის მუნიციპალიტეტის მერმა, გოგი აბუაშვილმა თანამდებობა დატოვა. როგორც სამთავრობო მედია იტყობინება, მან პოსტის დატოვების შესახებ ოფიციალური განცხადებით მერიის ადმინისტრაციულ სამსახურს უკვე მიმართა.
გადადგომამდე რამდენიმე საათით ადრე, აბუაშვილი მცხეთა-მთიანეთის დელეგატის, დიმიტრი ხუნდაძის შეშფოთებას გამოეხმაურა, რომელიც ინფრასტრუქტურული პროექტების ვადების დარღვევას და ბიუჯეტის შესრულებას ეხებოდა. ამის ფონზე, მერმა პირველი მოადგილე თანამდებობიდან უკვე გაათავისუფლა და აღნიშნა, რომ პროცესი ეტაპობრივად ყველა პასუხისმგებელი პირის შემოწმებას შეეხებოდა.
ცნობისთვის, გოგი აბუაშვილი მცხეთის მერად "ქართული ოცნების" კანდიდატად 2025 წლის თვითმმართველობის არჩევნებში აირჩიეს.
გაზიარება:
ფორმულა
წყარო: formulanews.ge