ავიაკომპანია Red Wings-მა საქართველოში დამატებით 20-მდე ქალაქიდან ფრენის ნებართვა მოითხოვა

რუსული ავიაკომპანია Red Wings-ი საქართველოს მიმართულებით ფრენების მასშტაბურ გაფართოებას გეგმავს. კომპანიამ რუსეთის სამოქალაქო ავიაციის ფედერალურ სააგენტოს („როსავიაციას“) თბილისისა და ბათუმის მიმართულებით ახალი რეისების დასანიშნად აუცილებელი ოფიციალური დაშვებების მისაღებად უკვე მიმართა. არსებული მონაცემებით, ავიაკომპანიას საქართველოში ფრენა დამატებით დაახლოებით 20-მდე რუსული ქალაქიდან სურს.

როგორც „როსავიაციის“ მიერ გამოქვეყნებული მასალებიდან ირკვევა, Red Wings-ს თბილისის მიმართულებით ფრენების შესრულება რუსეთის კიდევ ექვსი ქალაქიდან აქვს მიზნად დასახული, ხოლო ბათუმის მიმართულებით სია კიდევ უფრო ვრცელია.

ცნობისთვის, კომპანიამ გასულ, 2025 წელს ქართულ ბაზარზე 500 ათასზე მეტ მგზავრს გაუწია მომსახურება და ბაზარზე პოზიციების განმტკიცებას აქტიურად აგრძელებს.