ფონ დერ ლაიენი: დღეს მეცნიერება რუსეთის სამიზნე გახდა
ფორმულა|formulanews.ge
ევროკომისიის პრეზიდენტის ურსულა ფონ დერ ლაიენის განცხადებით, დღეს მეცნიერება რუსეთის სამიზნე გახდა.
მისი თქმით, ევროპა აქტიურად მუშაობს უკრაინის თავდაცვის გასაძლიერებლად.
"გული მტკივა იმ გმირების გამო, რომლებიც უკრაინის მეცნიერებათა ეროვნული აკადემიის შენობაში ჩარჩენილი ადამიანების გადარჩენას ცდილობენ.
ასევე თანავუგრძნობ იმ ადამიანების ოჯახებსა და ახლობლებს, რომლებიც ქვეყნის მასშტაბით განხორციელებული სასტიკი თავდასხმების შედეგად დაიღუპნენ.
ჩვენ მათ გვერდით ვდგავართ. და ყველა უკრაინელის გვერდით", - წერს ფონ დერ ლაიენი.
კიევის ცენტრში, რუსეთის დრონებით თავდასხმის შედეგად, უკრაინის მეცნიერებათა ეროვნული აკადემიის შენობაში ხანძარი გაჩნდა. დაიღუპა ერთი ქალი, ოთხი ადამიანი კი დაშავდა.
გაზიარება:
ფორმულა
წყარო: formulanews.ge