დასავლური სანქციების ფონზე პუტინმა რუსული ენერგეტიკული მონაცემების გასაჯაროება შეზღუდა
რუსეთის პრეზიდენტმა ვლადიმერ პუტინმა ხელი მოაწერა ახალ დეკრეტს, რომელიც დასავლეთისა და აშშ-ის სანქციების საპასუხოდ, ენერგეტიკისა და ნავთობპროდუქტების შესახებ ინფორმაციის გასაჯაროებას კიდევ უფრო მეტად ზღუდავს.
რუსეთმა ნავთობპროდუქტების წარმოებასა და ენერგეტიკულ სექტორთან დაკავშირებული მნიშვნელოვანი სტატისტიკური მონაცემების კლასიფიცირება (დამალვა) ჯერ კიდევ 2014 წელს, ყირიმის ანექსიის შემდეგ დაიწყო, ხოლო 2022 წლის თებერვალში უკრაინის წინააღმდეგ დაწყებული ფართომასშტაბიანი ომისა და დასავლეთის მკაცრი სანქციების ფონზე, ეს შეზღუდვები მაქსიმალურად გამკაცრდა.
ცნობისთვის, მოსკოვი მსგავსი ნაბიჯებით ცდილობს ეკონომიკური ზომების ზეგავლენის შერბილებას და იმ სენსიტიური მონაცემების დამალვას, რომლებიც რუსული საწვავის ექსპორტისა და ფინანსური ნაკადების შესახებ ინსაიდერული ინფორმაციის მოპოვებას ართულებს.
ფორმულა
წყარო: formulanews.ge