მთავარი
ფორმულაწყარო
  1. მთავარი
  2. ფორმულა
  3. მერცი: ბატონო პუტინ, შეწყვიტეთ ეს უაზრო ომი
მერცი: ბატონო პუტინ, შეწყვიტეთ ეს უაზრო ომი

მერცი: ბატონო პუტინ, შეწყვიტეთ ეს უაზრო ომი

ფორმულა|formulanews.ge

გერმანიის კანცლერმა ფრიდრიხ მერცმა, რომელიც კიევში ვიზიტით იმყოფება, რუსეთის პრეზიდენტს ვლადიმირ პუტინს მოუწოდა, შეწყვიტოს უკრაინაზე თავდასხმები და გამოხატოს მოლაპარაკებისთვის მზაობა.

"ბატონო პუტინ, შეწყვიტეთ ეს უაზრო ომი!

ჩვენ მზად ვართ მოლაპარაკებებისთვის, მზად ვართ, ერთად განვიხილოთ ამ ომის დასრულების საკითხი. მაგრამ უკრაინის მშვიდობიან მოსახლეობაზე ეს ბარბაროსული თავდასხმები უნდა შეწყდეს", - თქვა მერცმა.

მერცმა, უკრაინის პრეზიდენტ ვოლოდიმირ ზელენსკის თანხლებით, კიევში უკრაინის მეცნიერებათა ეროვნული აკადემია მოინახულა, რომელიც დრონის თავდასხმის შედეგად დაზიანდა.

მერცის ვიზიტის დროს რუსეთის თავდასხმების გამო რამდენჯერმე ჩაირთო საჰაერო განგაშის სიგნალი.

მერცის თქმით, მაშინ, როდესაც უკრაინა ზამთრისთვის ემზადება, ქვეყნის ინფრასტრუქტურაზე ყოველდღიურად ხორციელდება თავდასხმები.

"კიევში, ქალაქის ცენტრში, გერმანიის საელჩოდან სულ რამდენიმე ასეულ მეტრში მდებარე მეცნიერებათა აკადემიაზე თავდასხმა, დღეს დილით კი, მშვიდობიან კვირა დღეს, კიევში საჰაერო განგაშის სიგნალი გაისმა. აქ ყოველდღიურად ხდება სამხედრო დანაშაულები.

კიდევ ერთხელ მივმართავ რუსეთის ხელისუფლებას, რუსეთის პრეზიდენტს, შეწყვიტეთ ეს ომი! ჩვენ შეგვიძლია მოლაპარაკებები ვაწარმოოთ, მაგრამ მხოლოდ მაშინ, როდესაც იარაღი დადუმდება და იარაღი უნდა დადუმდეს", - აღნიშნა მერცმა

უკრაინული მედიის ინფორმაციით, მერცი უკრაინას შემდგომ ფინანსურ და სამხედრო მხარდაჭერას დაპირდება. კერძოდ, საუბარია ათასობით დრონ-საწინააღმდეგო, ანუ ჩამჭრელი დრონის მიწოდებასა და შორი მოქმედების იარაღის წარმოების დაჩქარებაზე.

თავის მხრივ, პრეზიდენტმა ვოლოდიმირ ზელენსკიმ განაცხადა, რომ უკრაინასა და გერმანიას შორის თავდაცვის გაძლიერების მიმართულებით "მნიშვნელოვანი შეთანხმებები" შედგა.

გაზიარება:

ფორმულა

წყარო: formulanews.ge

ორიგინალი სტატია

მსგავსი სტატიები

„ძალიან მაგარი ბიძა მომიკლეს“ — ირაკლი ღლონტი ყიფშიძის ქუჩაზე მკვლელობაზე წერს

„ძალიან მაგარი ბიძა მომიკლეს“ — ირაკლი ღლონტი ყიფშიძის ქუჩაზე მკვლელობაზე წერს

ფორმულა

ნავთობქარხნების დაზიანების გამო რუსეთი ბენზინის ექსპორტიდან იმპორტზე გადავიდა

ნავთობქარხნების დაზიანების გამო რუსეთი ბენზინის ექსპორტიდან იმპორტზე გადავიდა

ფორმულა

გიორგი თარგამაძის ედიტორიალი: რაზე დგას კალაძის ხელშეუხებლობა

გიორგი თარგამაძის ედიტორიალი: რაზე დგას კალაძის ხელშეუხებლობა

ფორმულა

ქვიშხეთთან მომხდარ ავარიას სამი ადამიანი ემსხვერპლა, ერთი კი დაშავდა

ქვიშხეთთან მომხდარ ავარიას სამი ადამიანი ემსხვერპლა, ერთი კი დაშავდა

ფორმულა