ზელენსკი გაერთიანებულ სამეფოში ჩავიდა - დაგეგმილია შეხვედრები მეფე ჩარლზ III-სა და ენდი ბერნემთან
ფორმულა|formulanews.ge
უკრაინის პრეზიდენტი ვოლოდიმირ ზელენსკი გაერთიანებულ სამეფოში ჩავიდა. მისი ინფორმაციით, ვიზიტის ფარგლებში შეხვედრებს გამართავს მეფე ჩარლზ III-სა და პრემიერ-მინისტრ ენდი ბერნემთან.
„ჩემს გუნდთან ერთად უკვე გაერთიანებულ სამეფოში ვიმყოფები. დღეს შეხვედრა მექნება მის უდიდებულესობა მეფე ჩარლზ III-თან. ასევე გაიმართება მნიშვნელოვანი შეხვედრა პრემიერ-მინისტრ ენდი ბერნემთან“, - წერს ზელენსკი სოციალურ ქსელში.
მისი განცხადებით, შეხვედრებზე უსაფრთხოებასთან დაკავშირებულ საკითხთა ფართო სპექტრს განიხილავენ.
„ვამზადებთ გადაწყვეტილებებს, რომლებიც გაგვაძლიერებს. მადლობას ვუხდი მეფეს, პრემიერ-მინისტრსა და მთელ ბრიტანეთს მხარდაჭერისთვის!“ - აცხადებს უკრაინის პრეზიდენტი.
გაზიარება:
ფორმულა
წყარო: formulanews.ge