აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

აშშ-ის კონგრესის უკრაინის საკითხთა ორპარტიული ჯგუფი ავრცელებს საგანგებო განცხადებას უკრაინიდან შემოსულ ცნობებთან დაკავშირებით, რომლის მიხედვითაც შეჩერებულია ამერიკული სადაზვერვო ინფორმაციისა და Starlink-ის სერვისებით უზრუნველყოფა.

გავრცელებულ განცხადებაში აღნიშნულია, რომ მსგავსი შეზღუდვები საფრთხის ქვეშ აყენებს როგორც მშვიდობიან მოსახლეობას, ისე უკრაინაში მყოფ ამერიკის მოქალაქეებს:

„შეშფოთებულები ვართ უკრაინიდან ცნობებით, რომ შეჩერებულია აშშ-ის მხრიდან სადაზვერვო ინფორმაციისა და Starlink-ის სერვისებით უზრუნველყოფა, რაც უკრაინაში უდანაშაულო სამოქალაქო პირებსა და ამერიკის მოქალაქეებს რუსული თავდასხმების საფრთხის წინაშე ტოვებს.

კონგრესს არაერთხელ მკაფიოდ განუცხადებია, რომ შეერთებულმა შტატებმა უნდა მიაწოდოს სადაზვერვო მხარდაჭერა რუსეთის დაუნდობელი დარტყმებისგან ადამიანთა სიცოცხლის გადასარჩენად. აშშ-ის მოკავშირეები იხდიან Starlink-ზე უკრაინის წვდომისთვის.

შეზღუდვები, რომლებიც მშვიდობიან მოსახლეობას საფრთხეში აგდებს, მიუღებელია და კონგრესი მათ არ დაუშვებს.“