„ერთად ძალიან ძლიერები ვართ!“ — ელენე ხოშტარია რუსთავის ქალთა ციხიდან მიმართვას ავრცელებს
საკონსტიტუციო სასამართლოში მიმდინარე პროცესებსა და ოპოზიციის ერთიანობას რუსთავის ქალთა ციხიდან გავრცელებული მიმართვით ეხმაურებიან. განცხადებას პოლიტიკოსი ელენე ხოშტარია ავრცელებს.
პატიმრობაში მყოფი ავტორი ოპოზიციურ სპექტრს მხარდაჭერას უცხადებს და აღნიშნავს, რომ მათი ერთიანობა საკნებში მყოფებს დიდ ენერგიასა და იმედს აძლევს.
„როგორც საკანში მყოფმა, როგორც პოლიტპატიმარმა, მინდა, მივმართო ოპოზიციას და ვუთხრა, რომ დიდ იმედსა და ენერგიას გვაძლევს მიმდინარე პროცესის ყურებისას მათი პროფესიონალიზმი, ეთიკურობა, მორალური უპირატესობა, ცოდნა, კომპეტენცია და, რაც მთავარია, სიმართლე!
ასევე ძალიან სასიამოვნოა ოპოზიციის ერთად ყურება, განსაკუთრებით ერთიან და მართალ საქმეში. ვერ წარმოიდგენთ, რამხელა ენერგიას გვაძლევთ საკნებში მყოფებს.
რთული პროცესია, წინ ბევრი ბარიერი გვექნება, მაგრამ ერთად ძალიან ძლიერები ვართ!“ — ნათქვამია 22 ოქტომბრით დათარიღებულ მიმართვაში.
ფორმულა
წყარო: formulanews.ge