საკონსტიტუციოში პარტიების აკრძალვასთან დაკავშირებით სხდომა ხვალ, 11:00 საათიდან განახლდება

საკონსტიტუციო სასამართლოში 5 ოპოზიციური პარტიის არაკონსტიტუციურად ცნობის საკითხზე სხდომა ხვალ, 11:00 საათზე განახლდება. პროცესი „კოალიცია ცვლილებისთვის“ წარმომადგენლების ახსნა-განმარტებებით გაგრძელდება.

დღევანდელ სხდომაზე სასამართლომ „ერთიანი ნაციონალური მოძრაობის“ წარმომადგენლების ახსნა-განმარტებები მოისმინა.

სარჩელის განხილვა 21 ოქტომბერს დაიწყო. მას საკონსტიტუციო სასამართლოს პლენუმი, 7 მოსამართლის შემადგენლობით განიხილავს.

სარჩელს პარლამენტის 88 დეპუტატი აწერს ხელს. ისინი ითხოვენ შემდეგი პოლიტიკური გაერთიანებების არაკონსტიტუციურად ცნობას: „ერთიანობა - ნაციონალური მოძრაობა“, „კოალიცია ცვლილებისთვის“, „ძლიერი საქართველო - ლელო“, „ფედერალისტური პარტია“ და „გახარია საქართველოსთვის“.

სარჩელს თან ერთვის მე-11 მოწვევის პარლამენტში შექმნილი დროებითი საგამოძიებო კომისიის დასკვნა.